منتدى عالم حواء
السلام عليكم ورحمة الله وبركاته

مرحباً بك في منتدى عالم حواء
إن كنت تزورنا لأول مرة فيرجى التفضل بقراءة الأسئلة الشائعة، كما يمكنك أن تقوم بالتسجيل لكي تتمكن من المشاركة و إذا رغبت بقراءة المواضيع فتفضل بزيارة القسم الذي ترغبه أدناه.

منتدى عالم حواء

منتدى خاص لحواء فقط
 
الرئيسيةالتسجيلدخول

شاطر | 
 

 طقم الحمام

اذهب الى الأسفل 
كاتب الموضوعرسالة
المدير العام
المدير العام

المدير  العام
avatar

عدد المساهمات : 240
تاريخ التسجيل : 08/12/2011

مُساهمةموضوع: طقم الحمام    السبت نوفمبر 23, 2013 11:27 pm

السلام عليكم
ازيكم يا قمرات
حشرح لكم دلوقت
طقم الحمام و لو بقى وقت حرد على جزء من الاستفسارات
او شىء بنعمل باترون على ورق جرنال لاجزاء الحمام
[ندعوك للتسجيل في المنتدى أو التعريف بنفسك لمعاينة هذه الصورة]

اللى على اليمين دى و مخرومة من النص دى باترون السيفون بنحط الجرنال على السيفون ونمشى بالقلم حوالين الحروف ونعمل علامة مكان الضاغط بتاع السيفون عشان نعمل فتحة فتحة لمكان الضاغط
الجزء اللى على الشمال ده غطاء قاعدة التواليت
بنحط الورق بين القاعده و الغطاء يعنى ننزل الغطاء فوق الورق و نمشى داير مايدور حوالين الغطاء
مع ملاحظة اننا عند القص حنزود1.5سم بعيد عن الدوران عشان الخياطة
و الجزء ده حنعمل منه قطعتين عشان الغطاء من الامام و الخلف مع مراعاة اننا حنزود الخلف مش 1.5 لا
3سم عشان حنقسمه منركب له سوسته
و اللى تحت دى حامل المراية حنعماه بنف فكرة تحديد السيفون بس طبعا من غير خرم فى النص
[ندعوك للتسجيل في المنتدى أو التعريف بنفسك لمعاينة هذه الصورة]

زى ما انتم شايفين الجزء بتاع غطاء التواليت الخلف مقسوم من النص عشان حنركب سوسته عشان نفتحها وندخلها فى الغطاء بسهولة و نقفلها ولو تلاحظو اكبر من الامام بشويه
[ندعوك للتسجيل في المنتدى أو التعريف بنفسك لمعاينة هذه الصورة]
شايفين السوستة متركبةفى النص و بداية فتحة السوسته من تحت لفوق البداية فى الجزء اللى بين المفصلتين اللى قدامكم تحت
[ندعوك للتسجيل في المنتدى أو التعريف بنفسك لمعاينة هذه الصورة]

ده السيفون ركبنا الدانتيل و دخلنا الضاغط فى الفتحة و على فكره مش بيتلزق ولا حاجة بيتحط زى اى مفرش عادى
[ندعوك للتسجيل في المنتدى أو التعريف بنفسك لمعاينة هذه الصورة]

هنا بعد ما ركبنا الاتنين الغطاء بتاع القاعده و مفرش السيفون
[img(300px,34Opx)][ندعوك للتسجيل في المنتدى أو التعريف بنفسك لمعاينة هذا الرابط]


و هنا مفرش المراية برده مش بيتلزق لا بيتحط عادى جدا عشان سهولة الغسيل

نيجى لستارة البانيو
[ندعوك للتسجيل في المنتدى أو التعريف بنفسك لمعاينة هذه الصورة]

مكونة من 4 قطع
الجزء الاول الشريط اللى بنركب عليه الاجزاء ال3
و الشريط ده بيبقى بمقاس الماسوره بالظبط و بنعمله شريط اللى هو بتاع الستاير اللى فيه حلقات مخرمة و بنتنى عليه الحرف يعنى بيبقى الشريط بتاع الستاير جوه الشريط اللى بنعمله من المشمع و بنخرمه خرم صغير عند كل حلقة و التانية عشان ندخل دبل الستاره فيه
و طبعا قبل ما نقفله الجزئين على بعض بنركب الكورنيشة و دى بتبقى ضعف مقاش الماسورة و الطول اللى تحبيه انا عملت الطول 25سم و كمان ما ننساش انه حيطول اكتر لما نركب الدانتيل له
الجزء التالت و هو الستارة نفسها انا عملتها جزئين كل جزء مقاسه طول الماسورة يعنى الجزئين مع بعض حيبقوا ضعف مقاس الماسورة
يعنى لو الماسورة مقاسها مثلا 1.5م يبقى كل جزء اللى هو النزلة مقاسها 1.5م الاتنين 3م
و الطول حيبقى الطول من الماسوره لغاية اول البانيو او ازيد 20سم بيبقى احلى انا اخدت المقاسات قبل تركيب الماسورة و العريس ركب الماسوره اعلى من المقاس فبقت الستارة مرفوعة عن البانيو و مبقتش زى ما كنت عايزه انا بس بنبهكم للموضوع ده
[ندعوك للتسجيل في المنتدى أو التعريف بنفسك لمعاينة هذه الصورة]

شايفين الستارة مرفوعة عن البانيو ازاى
بتبقى احلى لو اطول يعنى نازله على البانيو حوالى 20سم
بنركب فى الشريط القطعتين اللى هما النزلتين و بعد كده الكورنيشة و بعد كده بنقفل الشريط عليهم كلهم
عشان يدينا الشكل ده

[ندعوك للتسجيل في المنتدى أو التعريف بنفسك لمعاينة هذه الصورة]

نيجى للماسكين بتوع الاجناب انا عملتهم الطول 80سم و العرض 30سم

[ندعوك للتسجيل في المنتدى أو التعريف بنفسك لمعاينة هذه الصورة]


نيجى للبانيو
[ندعوك للتسجيل في المنتدى أو التعريف بنفسك لمعاينة هذه الصورة]

حنعمل شريط بطول البانيو و عرضه حوالى 20سم و حنتنيه على 2 يعنى العرض حيبقى 10 سم
و نعمل قطعة مستطيلة ضعف او ضعفين مساحة البانيو زى ما تحبى
يعنى لو البانيو 120سم حيبقى القطعة المستطيلة طولها 240سم او 360 سم حسب ما تحبى الكشكشة كتير ولا شويه
و طول القطعة المستطيلة هو ارتفاع البانيو للارض مع خصم 10سم حجم الشريط +خصم حجم الدانتيل ولنفرض 7سم
يعنى لو ارتفاع البانيو عن الارض 50سم يبقى
50-10 -7=33
يبقى القطعة المستطيلة طولها 240 او 360 و عرضها 33 و نكشكشها و نركبها فى الشريط و نلزقها على اول البانيو بالسيليكون وده انبوبة فيها زى جيل ابيض كده بتدهنيه و تحطى المشمع بيمسك فيه بعد 10 دقايق

[ندعوك للتسجيل في المنتدى أو التعريف بنفسك لمعاينة هذه الصورة]

الرجوع الى أعلى الصفحة اذهب الى الأسفل
http://alam7awa.ahlamuntada.com
المدير العام
المدير العام

المدير  العام
avatar

عدد المساهمات : 240
تاريخ التسجيل : 08/12/2011

مُساهمةموضوع: رد: طقم الحمام    الأحد ديسمبر 08, 2013 5:49 pm

[ندعوك للتسجيل في المنتدى أو التعريف بنفسك لمعاينة هذا الرابط]
الرجوع الى أعلى الصفحة اذهب الى الأسفل
http://alam7awa.ahlamuntada.com
 
طقم الحمام
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى عالم حواء :: الأعمال اليدوية :: خياطة و تفصيل-
انتقل الى: