منتدى عالم حواء
السلام عليكم ورحمة الله وبركاته

مرحباً بك في منتدى عالم حواء
إن كنت تزورنا لأول مرة فيرجى التفضل بقراءة الأسئلة الشائعة، كما يمكنك أن تقوم بالتسجيل لكي تتمكن من المشاركة و إذا رغبت بقراءة المواضيع فتفضل بزيارة القسم الذي ترغبه أدناه.

منتدى عالم حواء

منتدى خاص لحواء فقط
 
الرئيسيةالتسجيلدخول

شاطر | 
 

  دورة تفصيل الستائر.

اذهب الى الأسفل 
كاتب الموضوعرسالة
المدير العام
المدير العام

المدير  العام
avatar

عدد المساهمات : 231
تاريخ التسجيل : 08/12/2011

مُساهمةموضوع: دورة تفصيل الستائر.   السبت نوفمبر 23, 2013 10:07 pm

[ندعوك للتسجيل في المنتدى أو التعريف بنفسك لمعاينة هذه الصورة]
اولا دى طريقة عمل الباترون بتاع الفستونة بالفيديو
بس انا قللت فى المقاسات
خليتها 120 فى 120 سم
و عملت نفس الطريقة بالظبط
و نزلت من راس المثلث20سم عشان لما افردها تدينى اول كسره 40سم

[ندعوك للتسجيل في المنتدى أو التعريف بنفسك لمعاينة هذا الرابط]

حنبدا اول شىء فى تقسيم القماش
انا جبت قماش شيفون ساده و مشجر
قسمته اجزاء على حساب القص بتاعى لان الشيفون المشجر عرضه 280 سم فمحبتش اهدر فى القماش وكمان الطريقة دى عشان القص يبقى مظبوط مفيهوش اى تعريج من المقص

[ندعوك للتسجيل في المنتدى أو التعريف بنفسك لمعاينة هذه الصورة]


حننسل القماش كده بعد ما نقوم بتقسيمه على حساباتنا طبعا الفستونة معمولة على شيفون مشجر بس انا قلت الصورة دى تكفى للاتنين لانها نفس الطريقة فى تقسيم القماش وده الباترون
[ندعوك للتسجيل في المنتدى أو التعريف بنفسك لمعاينة هذه الصورة]
انا جبت 2.5م شيفون مشجرعرض 280سم
كل فستونة 120*120
قست من الطول 120سم و نسلت كده زى ما انتو شايفين
اصبح عندى مستطيل طوله 120*280
ال 280 قسمتهم 120+ 120 = 240 اتبقت شريط 40سم* 120سم
كده عملت فستونتين
و كررت نفس التقسيم اخدت 120سم تانى و الطول 280 و قسمتهم
و عملت فستونتين تانيين اصبح عندى 4 فستونات هما دول الى احتجتهم
و الشريط برده اتبقى زى التانى 40سم*120سم حنخليه عشان حنستعمله برده
كده ما رميناش حاجة من القماش خالص
وكده نقص على الخط اللى حيظهر بعد ما نسلنا القماش على مقاساتنا

[ندعوك للتسجيل في المنتدى أو التعريف بنفسك لمعاينة هذه الصورة]

شايفين خط التنسيل باين اهو بس خفيف حنمشى عليه بالمقص حيظبط القص تمام
فى اى استفسار فى الجزء ده

نرجع لشرح باقى البرقع الشيفون
بعد ما قصينا القماش على خط التنسيل
بقى عندنا مربع 120*120سم
حنطبقه على شكل مثلث بالشكل ده
طبعا انتم شفتوا فيديو الفستونة
حنعمل نفس الطريقة على ورق جرايد او ورق زبده
و ده الباترون بتاعنا لاننا حنقص 4 فستونات فمش معقول حنقوم بعمل كل الخطوات فى كل فستونة كده حيبقى اسهل
حنعمل القماش على شكل مثلث و نحط عليهالباترون بتاعنا بالشكل ده

[ندعوك للتسجيل في المنتدى أو التعريف بنفسك لمعاينة هذه الصورة]

و نقوم بالقص ولاحظى تحطى جهة تنية الباترون على جهة تانية تانية القماش

[ندعوك للتسجيل في المنتدى أو التعريف بنفسك لمعاينة هذه الصورة]

وهنا بعد ما قصينا القماش و فردناه

حنعمل الفستونة اللى هى الفستونة المقفولة مش المرتخية من الوسط زى ما شرحت فى الكتاب بالشكل ده
ودى طريقة عمل الكسرات
[ندعوك للتسجيل في المنتدى أو التعريف بنفسك لمعاينة هذه الصورة]

شايفين بنخلى الجزء اللى اتقص من تحت راس المثلث مفرود ازاى دى بقى اسمها الفستونة المقفولة
[ندعوك للتسجيل في المنتدى أو التعريف بنفسك لمعاينة هذه الصورة]

و بنعمل الكسرات عادى بالشكل ده

[ندعوك للتسجيل في المنتدى أو التعريف بنفسك لمعاينة هذه الصورة]

[ندعوك للتسجيل في المنتدى أو التعريف بنفسك لمعاينة هذه الصورة]

ودى الفستونة بتاعتى

[ندعوك للتسجيل في المنتدى أو التعريف بنفسك لمعاينة هذه الصورة]

و حنخيط على الكسرات بالابره و الخيط عشان مش يفكوا لما نشيل الدبابيس
[ندعوك للتسجيل في المنتدى أو التعريف بنفسك لمعاينة هذه الصورة]

و حنخيط بعد كده بالماكينة على الخياطة اليدوى زى الصورة وبكده تبقى خلصت الفستونة حنعمل منها 4 وحدات


نكمل شرح يا قمرات
حنيجى للكارفت اللى معمول بالقماش الساده و دول 3 قطع نفس الباترون اللى حقولكم عليه دلوقت
[ندعوك للتسجيل في المنتدى أو التعريف بنفسك لمعاينة هذه الصورة]

حنجيب قماشه مستطيله طولها 60سم و عرضها 150سم و حنتنيها على 2 يعنى ال150سم حيبقوا 75سم
من عند مكان تلاقى الحرفين حننزل للنص يعنى 30سم و نتنى القماشة زى ما انتو شايفين و نسيب حوالى 10سم من ناحية تانية القماش من تحت زى الصورة كده
[ندعوك للتسجيل في المنتدى أو التعريف بنفسك لمعاينة هذه الصورة]
و حنمشى على مكان التنيه بالمكنه عشان نقص مظبوط و ميبقاش فيه تعاريج فى القص تخلى شكل القطعة مش مظبوط ( انا عارفة ان المراحل طويلة والمكوة والتنسيل و كده بس انا بحب اعمل كل شىء بنضافة و اتقان عشان الشكل النهائى للشغل و كمان بيريح بعد كده فى التركيب ولا ايه رايكم )
وده شكل القطعة بعد القص

[ندعوك للتسجيل في المنتدى أو التعريف بنفسك لمعاينة هذه الصورة]
[ندعوك للتسجيل في المنتدى أو التعريف بنفسك لمعاينة هذه الصورة]

حنركب الستان او البييه زى ما تحبى انا ركبت ستان داير ما يدور القطعة ما عدا الجزء اللى لما حنفردها حنعمل من ناحيته الكسرات زى الصورة اللى تحت كده

[ندعوك للتسجيل في المنتدى أو التعريف بنفسك لمعاينة هذه الصورة]
حنعمل الكسرات من جنب الاول و بعد كده نعمل الجنب التانى مماثل له بالظبط ( شايفين اول كسره عند النص بالظبط)

[ندعوك للتسجيل في المنتدى أو التعريف بنفسك لمعاينة هذه الصورة]

حنعمل الجزء التانى مماثل فى حجم الكسرات للجزء الاول و ندبس و بعد كده نخيط بايدنا زى ما عملنا فى الفستونة عشان الكسرات مش تتفك
[ندعوك للتسجيل في المنتدى أو التعريف بنفسك لمعاينة هذه الصورة]
و حنمشى عليه بالمكنة عشان نثبت الكسرات وانا عمات من الجزء ده 3 قطع فقط
نبدا فى تكملة الشرح
احنا شرحنا الفستونة و الكارفت فاضل المنديل
فيه طريقتين
الطريقة الاولى ودى تنفع للقماش المشجر و الساده بس بيتهدر قماش بعد القص
وده باترونها

[ندعوك للتسجيل في المنتدى أو التعريف بنفسك لمعاينة هذه الصورة]
القماش اللى حيتهدر هو المثلث اللى حيتبقى بعد قص شكل المنديل اللى هو من تحت ده
الطريقة التانية و دى تنفع للقماش الساده فقط عشان لما نعمل المنديل واحد شمال و التانى يمين يبقى نفس لون القماش انما لو عملناه مشجر حيدينا منديل على الوش و منديل على الضهر و الطريقة دى بدل ما نجيب قماشه طولها متر و نص بنجيبها مترين و نقصها زى الباترون كده

[ندعوك للتسجيل في المنتدى أو التعريف بنفسك لمعاينة هذه الصورة]
و انا عملت الطريقة التانية لان القماش ساده و توفير فى القماش
[ندعوك للتسجيل في المنتدى أو التعريف بنفسك لمعاينة هذه الصورة]

ده الشكل النهائى بعد القص و حطيت الاتنين على بعض زى ما انتوا شايفين
و عشان الفكره توصل اعملوها على ورقة مستطيلة و قصوا بنفس القص فى الباترون التانى حيطلع عندكم قطعتين و حتقدروا تفهموا الفكره كويس و معلش قماش ستارة البلكونة باين الظاهر زعلان انى مش صورته ههههههههههه
و حنركب له الستان برده على المكنة و نبدا نكسره بالشكل ده

[ندعوك للتسجيل في المنتدى أو التعريف بنفسك لمعاينة هذه الصورة]

لاحظو انى كسرت من الناحية القصيره الاول عشان اتجاه الكسرات
[ندعوك للتسجيل في المنتدى أو التعريف بنفسك لمعاينة هذه الصورة]

هنا خلصنا المنديل الشمال
[ندعوك للتسجيل في المنتدى أو التعريف بنفسك لمعاينة هذه الصورة]

هنا المنديلين خلصوا حنسرجهم و نشيل الدبابيس و ناخدهم و نخيطهم على المكنة عشان الكسرات تمسك بعضها
و بكده نكون خلصنا القطع فى البرقع


طبعا احنا كده خلصنا شرح القطع المكونة للبرقع
حنجيب شريط من القماش اللى عملنا بيه البرقع ولاحظى انه فضل معانا شريط طويل بعد ما نسلنا القماش وقسمناه و قصيناه
الشريط بطول البلتكانة اللى احنا عايزين نحط البرقع عليها
و زياده 1.5 سم عشان نتنيه من الجنبين
حنقوم بحط القطع على الشريط بالترتيب اللى احنا عايزينه من على حرف الشريط لاننا بعد ما نحطهم و نخيطهم حنتنى عليهم الحرف التانى زى فكرة البييه بالظبط

[ندعوك للتسجيل في المنتدى أو التعريف بنفسك لمعاينة هذه الصورة]

يعنى على الحرفين حنحط المنديلين
و بعد كده باقى المساحة حنحط الفستونات و الكرفت بالتتابع وزى ما تحبى اما الفستونة من تحت و عليها الكرفت او العكس
و بعد ما نحط الشريط و نتنيه على القطع

[ندعوك للتسجيل في المنتدى أو التعريف بنفسك لمعاينة هذه الصورة]


حنجيب اسكتش زى اللى متركب فى الصورة حنخيط الجزء الناعم فى الشريط من على الضهر
0ملحوظة هاتى اسكتش عرض صوبعين عشان يتحمل البرقع
[ندعوك للتسجيل في المنتدى أو التعريف بنفسك لمعاينة هذه الصورة]

هنا شايفين الاسكتش بعد ما اتركب
حنجيب بلتكانة رفيعة يعنى عرض الخشب 5سم ممكن تشترى لوح رفيع عرضه 10سم و تقسميه 2 بالطول زى ما عملت و مسمريه فى بعضه من الضهر بحتة خشبة وصلة كده
و اعمليه على شكل بلتكانة عادى جدا بس حتكون رفيعة
و دبسى الاسكتش الخشن فيها بالشكل ده

[ندعوك للتسجيل في المنتدى أو التعريف بنفسك لمعاينة هذه الصورة]

شايفين عرض البلتكانة كنز ازاى يادوب على قد الاسكتش او ازيد 1سم بالكتير

[ندعوك للتسجيل في المنتدى أو التعريف بنفسك لمعاينة هذه الصورة]

هنا باين جدا الاسكتش الخشن و هو متدبس فى البلتكانة و حنركب عليه البرقع اللى هو ممسوك بالشريط اللى متركب فيه الاسكتش الناعم زى الصورة كده

[ندعوك للتسجيل في المنتدى أو التعريف بنفسك لمعاينة هذه الصورة]

اهو الشكل بعد التركيب فى البلتكانة
و الفكره هنا انك تقدرى تشيلى البرقع و تغسليه عادى جدا و تركبيه بنفسك

[ندعوك للتسجيل في المنتدى أو التعريف بنفسك لمعاينة هذه الصورة]

الرجوع الى أعلى الصفحة اذهب الى الأسفل
http://alam7awa.ahlamuntada.com
المدير العام
المدير العام

المدير  العام
avatar

عدد المساهمات : 231
تاريخ التسجيل : 08/12/2011

مُساهمةموضوع: رد: دورة تفصيل الستائر.   السبت نوفمبر 23, 2013 11:14 pm


يلا نبدا مع بعض برقع الانتريه
اولا الفستونة خلاص كده عرفنا ازاى نقصها
عرض القماش حنلمه فى اتجاه الطول حيدينا مثلث حنقص القماش الزياده عشان نفصل المثلث ( المثلث بيبقى مجوز) و نعمل خطوات الفستونة
الفستونة بتاعة البرقع ده عملتها من فوق 50سم عشان لما نفتحها تدينا 1م اللى هو مساحة اول كسره لاننا طبعا لفين بيها من قدام لورا فمحتاحينها تكون كبيره من فوق


نيجى للمنديل صورت لكم طريقة القص
حنجيب القماشة بطول 1.5م و القماش على عرضه
انا عملت قماشتين عشان اخلص نفسى
حطيت الوش بتاع القماش قدام بعضه و خليت الضهر هو اللى ظاهر لىىىىى زى الصورة كده

[ندعوك للتسجيل في المنتدى أو التعريف بنفسك لمعاينة هذه الصورة]

حنتنى بالشكل ده و نمشى الكوة على مكان التنيه و نقص
[ندعوك للتسجيل في المنتدى أو التعريف بنفسك لمعاينة هذه الصورة]

هنا بعد القص
[ندعوك للتسجيل في المنتدى أو التعريف بنفسك لمعاينة هذه الصورة]
شايفين لما بنفردهم بعيد عن بعض بقى عندنا واحد يمين و التانى شمال اتوماتك كده هههههههههه
حنكسره زى ما عملنا فى الرقع الشيفون بالظبط بنفس الطريقة و ندبسه و نخيطه على المكنة عشان نثبت الكسرات و اعتقد اننا شرحنا المراحل دى فى البرقع الشيفون فمش محتاجين نكررها تانى

نيجى للكارفت

انا عملت على عرض القماش و عملت طوله 60 سم
[ندعوك للتسجيل في المنتدى أو التعريف بنفسك لمعاينة هذه الصورة]
ولاحظو نهاية المثلث بنسيب 10سم قبل الحرف زى الصورة من تحت كده
[ندعوك للتسجيل في المنتدى أو التعريف بنفسك لمعاينة هذه الصورة]
هنا بعد القص و طبعا ال 10سم اللى سبناهم كده وضحوا
حنعمل الكارفت كسرات زى ما عملنا فى البرقع الشيفون
[ندعوك للتسجيل في المنتدى أو التعريف بنفسك لمعاينة هذه الصورة]
طبعا ما ننساش الفستونة و المنديلين و الكارفت حنركب لهم الفرنشات زى بنفس الطريقة اللى ركبنا بيها الستان فى البرقع الشيفون و تركيب الفرنشة بالشكل ده
حنتنى القماش على الوش و نحط الفرنشة الطريقة دى بتوفر الوقت بدل ما نسرفل و بعد كده نحط الفرنشات
لا احنا كده بخيط الفرنشات و نتنى فى وقت واحد

نيجى بقى لتحضير الابلاكاج
حنجيب لوح ابلاكاج و نقسمه بالطول هو غالبا ارتفاعه 120سم بنقسمه حيبقى عندنا قطعتين كل قطعة
120*280
لو الحيطه عندك مساحتها اطول من 280سم حناخد الباقى من الجزء التانى اللى عندنا و نوصلهم ببعض بحتة ابلاكاج رفيعة زى كده
[ندعوك للتسجيل في المنتدى أو التعريف بنفسك لمعاينة هذه الصورة]

و ندبسها بالدباسه من الجنبين
[ندعوك للتسجيل في المنتدى أو التعريف بنفسك لمعاينة هذه الصورة]

شايفين الناحية التانية بعد ما دبسنا
طبعا صور التدبيس دى قديمة لانى برقع اختى كان حوالى 260 سم فمضطرتش انى اعمل وصلة انا بس شرحت النقطة دى للى عندها الحيطة مقاسها اكبر من 280سم
حنرسم الرسمة اللى عايزينها تبقى للابلاكاج على ورق زبده و ننزلها على الابلاكاج

[ندعوك للتسجيل في المنتدى أو التعريف بنفسك لمعاينة هذه الصورة]

[ندعوك للتسجيل في المنتدى أو التعريف بنفسك لمعاينة هذه الصورة]


هنا نزلنا الرسمة انا عملتها بسيطة رسمت الجزء ده على الحرفين و خليت النص خط مستقيم عادى جدا و بعد كده ننشرها منشار الاركت او اى منشار حتى لو سكينه مشرشره بس تكون جامده و حاميه

[ندعوك للتسجيل في المنتدى أو التعريف بنفسك لمعاينة هذه الصورة]

حنفرد القماش بتاعنا و نحط عليه الابلاكاج
[ندعوك للتسجيل في المنتدى أو التعريف بنفسك لمعاينة هذه الصورة]

حنسيب قيمة 3سم من كل اتجاه عشان حنتنيهم لجوه و ندبس القماش فى الابلاكاج
[ندعوك للتسجيل في المنتدى أو التعريف بنفسك لمعاينة هذه الصورة]

حنعمل قصات زى الصورة كده فى الزيادات و خلى بالك ما تعمليش القصة فريبة جدا من الابلاكاج عشان الابلاكاج مش يبان و القماش يفتح منك و انتى بتشدى

[ندعوك للتسجيل في المنتدى أو التعريف بنفسك لمعاينة هذه الصورة]

حندبس بالدباسة بالشكل ده كده

[ندعوك للتسجيل في المنتدى أو التعريف بنفسك لمعاينة هذه الصورة]

و هنا اوضح اكتر
[ندعوك للتسجيل في المنتدى أو التعريف بنفسك لمعاينة هذه الصورة]

حنركب الفرنشة بمسدس الشمع على الحروف

[ندعوك للتسجيل في المنتدى أو التعريف بنفسك لمعاينة هذه الصورة]


و هنا اوضح شويه
و البلتكانة بالشكل ده
حنركب الكارفت الاول و المنديلين من ورا
[ندعوك للتسجيل في المنتدى أو التعريف بنفسك لمعاينة هذه الصورة]

شايفين الكارفت من تحت قبل تركيب لوح الاويما
و بعد ما نركب الكارفت و المنديلين حندبس الاويما كويس جدا ( الاويما ده بدل خشب البلتكانة العادى بنحط من الجنبين قطعتين منه بطول 20سم زى ما بنعمل البلتكانه بالظبط و انا ركبت فيه من ورا السوسته عشان نعلق عليها الجنبين و بعد كده عملت منامة للماسورة زى اللى وريتها لكم فى اول الدورة كده )

وبعد تركيب الاويما مش فاضل غير تركيب الفستونتين

انا عملت الفستونتين كل واحده مساحة اول كسره 1م عشان هى داخله من قدام لورا
معلش الصورة مش لقياها بس عملت واحده توضح طريقة التركيب
[ندعوك للتسجيل في المنتدى أو التعريف بنفسك لمعاينة هذه الصورة]
شوفوا الخط الاخضر
انا ركبت الفستونة عادى جدا و تخيلوا ان الخطوط الخضره هى باقى الفستونة
بعد ما عملتها عادية بالشكل ده
خيطت الجزء اللى فيه الكسرات اللى معمول بالاخضر ده بالابره و الفتلة كعادتنا و بعد كده شلته و لفيته لورا
و دبسته من ورا
و بقى الشكل النهائى كده

[ندعوك للتسجيل في المنتدى أو التعريف بنفسك لمعاينة هذه الصورة]

و الشكل ده لما رجعنا الجزء بتاع الفستونة و دبسناه من ورا

الرجوع الى أعلى الصفحة اذهب الى الأسفل
http://alam7awa.ahlamuntada.com
المدير العام
المدير العام

المدير  العام
avatar

عدد المساهمات : 231
تاريخ التسجيل : 08/12/2011

مُساهمةموضوع: رد: دورة تفصيل الستائر.   الثلاثاء ديسمبر 10, 2013 2:45 pm

[ندعوك للتسجيل في المنتدى أو التعريف بنفسك لمعاينة هذا الرابط]
الرجوع الى أعلى الصفحة اذهب الى الأسفل
http://alam7awa.ahlamuntada.com
المدير العام
المدير العام

المدير  العام
avatar

عدد المساهمات : 231
تاريخ التسجيل : 08/12/2011

مُساهمةموضوع: رد: دورة تفصيل الستائر.   الخميس نوفمبر 03, 2016 10:31 pm

[ندعوك للتسجيل في المنتدى أو التعريف بنفسك لمعاينة هذا الرابط]
الرجوع الى أعلى الصفحة اذهب الى الأسفل
http://alam7awa.ahlamuntada.com
المدير العام
المدير العام

المدير  العام
avatar

عدد المساهمات : 231
تاريخ التسجيل : 08/12/2011

مُساهمةموضوع: رد: دورة تفصيل الستائر.   الخميس نوفمبر 03, 2016 10:32 pm

[ندعوك للتسجيل في المنتدى أو التعريف بنفسك لمعاينة هذا الرابط]
الرجوع الى أعلى الصفحة اذهب الى الأسفل
http://alam7awa.ahlamuntada.com
المدير العام
المدير العام

المدير  العام
avatar

عدد المساهمات : 231
تاريخ التسجيل : 08/12/2011

مُساهمةموضوع: رد: دورة تفصيل الستائر.   الأربعاء نوفمبر 23, 2016 7:52 pm

@[612890285403557:]
الرجوع الى أعلى الصفحة اذهب الى الأسفل
http://alam7awa.ahlamuntada.com
 
دورة تفصيل الستائر.
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى عالم حواء :: الأعمال اليدوية :: خياطة و تفصيل-
انتقل الى: