منتدى عالم حواء
السلام عليكم ورحمة الله وبركاته

مرحباً بك في منتدى عالم حواء
إن كنت تزورنا لأول مرة فيرجى التفضل بقراءة الأسئلة الشائعة، كما يمكنك أن تقوم بالتسجيل لكي تتمكن من المشاركة و إذا رغبت بقراءة المواضيع فتفضل بزيارة القسم الذي ترغبه أدناه.

منتدى عالم حواء

منتدى خاص لحواء فقط
 
الرئيسيةالتسجيلدخول

شاطر | 
 

 حلوى المناديل بالخطوات من مطبخي روووووعة

اذهب الى الأسفل 
كاتب الموضوعرسالة
المدير العام
المدير العام

المدير  العام
avatar

عدد المساهمات : 240
تاريخ التسجيل : 08/12/2011

مُساهمةموضوع: حلوى المناديل بالخطوات من مطبخي روووووعة   الأحد نوفمبر 10, 2013 9:40 pm


السلام عليكم
واش راكم غالياتي ان شاء الله راكم كامل بخير
جبتلكم اليوم حلوى سورية رووووعة مناسبة للاعراس وسهرات رمضان تقدم مع الشاي
المقادير:الكيلة المستخدمة كاس
3كيلات فرينة
كيلة نشاء
بيضة
نصف كيلة سمن ذايب وبارد
رشة ملح
ماء وماء الزهر
الحشو:
3 كيلات لوز مرحي+كيلة ناقصة سكر +م ص فاني+ 3 م ك سمن ذايب+ماء الزهر
الطريقة:
نخلط الفرينة مع النشا والملح ونضيف السمن ونحرك بواسطة اليد جيدا ثم نضيف حبة البيض ونحرك من الافضل هنا نفوت الخليط في السيار باه نضمن ان ما يبقاوش كتل في العجينة ونلم العجينة بالماء وماء الزهر لازم تبقى متماسكة نشكلها كويرات نغطيها ونخليها ترتاح

[ندعوك للتسجيل في المنتدى أو التعريف بنفسك لمعاينة هذه الصورة]

ناخذ كويرة نرش شوية نشاء فوق طاولة العمل و نبسطها شوية بالحلال

[ندعوك للتسجيل في المنتدى أو التعريف بنفسك لمعاينة هذه الصورة]

بعد ذلك نفوتها في الماشينة حتى الرقم الاخير يعني لازم تكون رقيقة

[ندعوك للتسجيل في المنتدى أو التعريف بنفسك لمعاينة هذه الصورة]

ندهنها بالبانسو من فوق بسمن ذايب ونعاود نحل كويرة كيما عملنا المرة الاولى وندهنها من فوق وهكذا نكرر العملية ست مرات يعني راح نحتاج لست كويرات ودايما ندهن بين الطبقات ماعدا الطبقة الاخيرة ما ندهنهاش
هنا كي حطيت الطبقة الثانية ونكمل

[ندعوك للتسجيل في المنتدى أو التعريف بنفسك لمعاينة هذه الصورة]

بعد مانكمل 6 طبقات ناخذ طابع مربع7على 7سم واذا ماكانش نستعمل ورق مقوى نقطع مربع7على 7
نقطع مربعات

[ندعوك للتسجيل في المنتدى أو التعريف بنفسك لمعاينة هذه الصورة]


نسيت نقولكم كي تحلو العجينة حاولو تخلوها عريضة بحجم الماشية باه تقدرو تقطعو زوج مربعات في العرض هكذا راح يجيوكم نفس الحجم وما يبقاوش لي شيت
في هذا الوقت نحضر الحشو بخلط المقاديرالسابقة مانكثروش ماء الزهر لازم الحشو يكون متناثر

[ندعوك للتسجيل في المنتدى أو التعريف بنفسك لمعاينة هذه الصورة]

ناخذ مربع وندهنو في المنتصف بشوية سمن ونحط حربوش صغير من الحشو في المنتصف

[ندعوك للتسجيل في المنتدى أو التعريف بنفسك لمعاينة هذه الصورة]

ونغلق المربع ونضغط شوية منين غلقناه كما في الصورة

[ندعوك للتسجيل في المنتدى أو التعريف بنفسك لمعاينة هذه الصورة]

نحط الحلوى في البلاطو بهذا الشكل

[ندعوك للتسجيل في المنتدى أو التعريف بنفسك لمعاينة هذه الصورة]

نذوب السمن ونصب من فوقها كي شغل راح نقليوها في الفرن هههه

[ندعوك للتسجيل في المنتدى أو التعريف بنفسك لمعاينة هذه الصورة]

ندخلها لفرن مسخن على200درجة كي تطيب من تحت نشعلو عليها من فوق حتى تاخذ لون ذهبي

من بعد ماتطيب نحطها في بلاطو اخر ونتخلصو من السمن الزائد ونعاود ندخلها للفرن5د وهذا شكلها بعد ماتطيب

[ندعوك للتسجيل في المنتدى أو التعريف بنفسك لمعاينة هذه الصورة]

نعسلها بعسل يكون مخفف بشوية ماء الزهر لازم يكون ثقيل شوية باه تبقى مقرمشة نزينها بالبيستاش ونقدمها مع التاي اممممممم
وهذا شكلها النهائي
[ندعوك للتسجيل في المنتدى أو التعريف بنفسك لمعاينة هذه الصورة]

[ندعوك للتسجيل في المنتدى أو التعريف بنفسك لمعاينة هذه الصورة]


لاحظو شحال مورقة امممممممم

عن قرب

[ندعوك للتسجيل في المنتدى أو التعريف بنفسك لمعاينة هذه الصورة]

يعطيك الصحة ام امانى
الرجوع الى أعلى الصفحة اذهب الى الأسفل
http://alam7awa.ahlamuntada.com
 
حلوى المناديل بالخطوات من مطبخي روووووعة
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى عالم حواء :: أقسام الطبخ :: الحلويات-
انتقل الى: